Kombëtarja e Kosovës në futboll U19 në kategorinë e femrave ka arritur të fitojë përballë Qipros.

Ndeshja e zhvilluar në kuadër të turneut kualifikues të Ligës B për Euro 2023 përfundoi me rezultat 4:0.

Kosova dominoi ndeshjen që nga minuta e parë me Riga Kallaban që e zhbllokoi rezultatin në minutën e 23-të.

Floriana Haxhiu, e dyfishoi epërsinë në minutën e 36-të dhe rezultatin përfundimtar të pjesës së parë.

Albulena Guri shtoi shifrat në 3:0, në minutën e 76-të, derisa rezultatin përfundimtar e vulosi Lorita Islami, nga penalltia në minutën e 88-të.

Krahas Qipros në grup me Kosovën janë edhe Irlanda Veriore dhe Letonia.

Ndeshjen e radhës Dardanet e luajnë kundër letoneve, më 7 prill, derisa në fund luajnë kundër nikoqirit, Irlandës Veriore, më 10 prill./Arbresh.info/